“Milan”ın qapıçısı DÇ-2022-dən kənarda qaldı

Fransa millisinin və “Milan”ın qapıçısı Mayk Menyan Dünya çempionatında çıxış edə bilməyəcək.

Futbolxeber.az saytının xarici KİV-ə istinadən verdiyi məlumata görə, bu haqda Milan təmsilçisinin baş məşqçisi Stefano Pioli açıqlama verib:

“Biz vəziyyəti mümkün qədər yaxşı dəyərləndirməyə çalışdıq. Mayk meydana mümkün olduğu qədər tez qayıtmağa çalışırdı. Lakin təəssüf ki, o, yalnız yeni ildən sonra meydana qayıda biləcək”.

Qeyd edək ki, 27 yaşlı qapıçı Millətlər Liqasının 5-ci turunda Avstriya ilə görüşdə zədələnib. Menyanın vəziyyəti düzəlməyə doğru getsə də, o, “Milan”ın məşqində yenidən xəsarət alıb.

Xatırladaq ki, DÇ-2022 noyabrın 20-dən dekabrın 18-nə kimi Qətərdə keçiriləcək. Fransa millisi D qrupunda Danimarka, Avstraliya və Tunislə birgə mübarizə aparacaq.