“Traktor” səfərdə xalsız qaldı

İran çempionatında 10-cu turun oyunlarına yekun vurulub.

Futbolxeber.az saytının məlumatına görə, Cənubi Azərbaycan təmsilçisi “Traktor” səfərdə “Sepahan”la qarşılaşıb.

İlk yarıda qapısında 3 qol görən Təbriz klubu fasilədən sonra hesab arasındakı fərqi minimuma endirsə də, yekunda meydanı məğlub tərk edib - 2:4.

Qeyd edək ki, “Traktor” 10 turdan sonra 14 xalla 16 kollektiv arasında 6-cı pillədə qərarlaşıb.