"Qarabağ"ın rəqibi əlavə vaxtda sevindi

Avropa Liqasının qrup mərhələsində "Qarabağ"ın rəqiblərindən olan "Frayburq" Almaniya kubokunda 1/8 finala yüksəlib.

Futbolxeber.az saytının məlumatına görə, komanda 1/16 final mərhələsi çərçivəsində öz meydanında II Bundesliqa təmsilçisi "Sankt-Pauli" ilə qarşılaşıb.

Matçın gedişində hesabda geri düşən “Frayburq” Ginterin 90+3-cü dəqiqədə vurduğu qolla məğlubiyyətdən qaçıb. Əlavə vaxtın sonuna 1 dəqiqə qalmış isə Qreqoriçin qolu “Frayburq”a 2:1 hesablı qələbə ilə mərhələ adlayıb.

Qeyd edək ki, “Qarabağ” G qrupundakı ilk oyununu Almaniyada “Frayburq”a qarşı keçirib. Görüş rəqibin 2:1 hesablı qələbəsi ilə başa çatıb. Tərəflər arasında 6-cı turun oyunu noyabrın 3-də Bakıda olacaq.