Millimizin müdafiəçisi xilaskar rolunda

Polşa çempionatında 5-ci turun oyunları keçirilir.

Futbolxeber.az saytının məlumatına görə, Azərbaycan yığmasının müdafiəçisi Anton Krivotsyukun çıxış etdiyi “Visla” (Plotsk)  səfərdə “Poqon”la qarşılaşıb. Görüş 2:2 hesabı ilə başa çatıb.

Bundan əvvəlki dörd oyunda ehtiyatda qalan Anton bu dəfə start heyətdə meydana çıxıb və sonadək mübarizə aparıb. Komandasının sonuncu qolunu da 88-ci dəqiqədə millimizin üzvü vuraraq Plotsk təmsilçisini məğlubiyyətdən xilas edib.

Qeyd edək ki, “Visla” 5 turdan sonra 13 xalla liderdir.