Renatın "Qrasshoppers"i məğlubiyyətdən xilas etdi

İsveçrə Superliqasında 3-cü turun oyunları keçirilir.

Futbolxeber.az saytının məlumatına görə, millimizin hücumçusu Renat Dadaşovun çıxış etdiyi "Qrasshoppers" səfərdə "Yanq Boyz"la qarşılaşıb. 

Qarşılaşmaya ehtiyat oyunçular skamyasından başlayan Renat fasilədə, komandası hesabda geridə olarkən (0:1) Momohun yerinə meydana daxil olub. Cəmi 3 dəqiqə sonra Dadaşov komandasının bərabərlik qolunu vuraraq "Qrasshoppers"i məğlubiyyətdən xilas edib. 

Matç 1:1 hesabı ilə yekunlaşıb. 90+4-cü dəqiqədə isə Dadaşov sarı vərəqə ilə cəzlandırılıb.

Qeyd edək ki, 2 oyuna 4 xal toplayan "Qrasshoppers" 4-cü pillədə qərarlaşıb. "Yanq Boyz" isə 3 oyuna 7 xalla turnir cəvdəlinə başçılıq edir. Renatın komandası avqustun 6-da növbəti oyunun evdə "St.Qallen"ə qarşı keçirəcək.