Laporta çempionluğa inanır: “Xavi hər şeyi kinodakı kimi edir”

“Barselona”nın prezidenti Joan Laporta cari mövsüm komandasını La Liqada çempion kimi görmək istəyir.

Futbolxeber.az saytının məlumatına görə, İspaniya mətbuatına açıqlamasında o, komandasının hazırda yaxşı formada olduğunu deyib:

“La Liqanı qazanmaq istəyirəm. Mən ikinci olmaq fikrində deyiləm. Əminliklə danışıram, komandamız mövsümün sonunda çempion ola bilər. Biz turnirin son mərhələsinə ideal formada yaxınlaşmışıq”

Laporta hazırkı baş məşqçi Xavinin uzun müddət Kataloniya klubunu çalışdıracağını qeyd edib:

“Xavi hər şeyi kinodakı kimi edir. O, ailəmizin bir üzvüdü və gələcəyə optimist yanaşır. Xavi burada istədiyi qədər qalacaq. Hər zaman “Barselona” üçün ən yaxşısını istəyir. Düşünürəm ki, Xavi uzun müddət bizimlə birgə olacaq”.