Nazarov het-trik etdi, komandası qapısında 8 qol gördü

Almaniya ikinci Bundesliqasında 32-ci turun oyunları keçirilir.

Futbolxeber.az saytının məlumatına görə, Dmitri Nazarovun formasını geydiyi “Aue” öz meydanında “Paderborn”la qarşılaşıb.

11 qolun vurulduğu matçda qonaqlar 8:3 hesablı qələbəyə seviniblər. “Aue”nin hər 3 qoluna Nazarov imza atıb. 77 dəqiqə meydanda olan Dmitri 1, 4 və 55-ci dəqiqələrdə fərqlənib. Sonuncu qolu o, penaltidən vurub.

Bu məğlubiyyətdən sonra əvvəlki kimi 41 xalda qalan “Aue” mövsümün sonuna 2 tur qalmış 11-ci pillədə qərarlaşıb.