Bəybalayev debüt etdi, komandası 1 xal qazandı

Gürcüstan çempionatında 6-cı turun oyunları keçirilir.

Futbolxeber.az saytının məlumatına görə, bu günlərdə “Telavi” ilə müqavilə imzalayan Vüqar Bəybalayev yeni komandasının heyətində debüt edib. 15 nömrəli forma ilə meydana çıxan “Bakı”nın yetirməsi “Saburtalo” ilə görüşdə meydana start heyətində çıxıb və sonadək mübarizə aparıb.

Qarşılaşma 0:0 hesabı ilə başa çatıb. Bununla da xallarının sayını 6-ya çatdıran “Telavi” 10 komanda arasında 7-ci pillədə qərarlaşıb.