Paşayevin komandasından qələbə

Ukrayna Premyer Liqasında 9-cu turun oyunları keçirilib.

Futbolxeber.az saytının məlumatına görə, millimizin müdafiəçisi Pavel Paşayevin çıxış etdiyi “Aleksandriya” bu turda doğma meydanda “Lvov”la qarşılaşıb. Matç meydan sahiblərinin 1:0 hesablı qələbəsi ilə başa çatıb.

Paşayev bu görüşün iştirakçısı olmayıb. Buna səbəb 32 yaşlı futbolçunun sarı vərəqə limitini aşması olub.  

Qeyd edək ki, “Aleksandriya” 9 turdan sonra 13 xalla 14 komanda arasında 7-ci pillədə qərarlaşıb.