Hökumətin qərarı “Mançester Siti” - “Real” oyununun keçirilməsini çətinləşdirdi

Çempionlar Liqasının 1/8 final mərhələsininn cavab oyunu çərçivəsində keçirilməli olan “Mançester Siti” - “Real” qarşılaşması yenidən baş tutmaya bilər.

Futbolxeber.az saytının AS-a istinadən verdiyi məlumata görə, buna səbəb Böyük Britaniya hökumətinin qəbul etdiyi qərardır. Belə ki, İspaniyada koronavirusa yoluxanların sayının artması səbəbindən Böyük Britaniya hökuməti İspaniyadan ölkə ərazisinə daxil olanların 14 gün ərzində karantində qalması barədə qərar çıxarıb.

Qeyd edək ki, daha əvvəl də COVİD-19 səbəbindən təxirə düşən “Mançester Siti” - “Real” oyununun avqustun 7-də keçirilməsi planlaşdırılır. Bu komandalar arasındakı ilk oyunda “Mançester Siti” səfərdə 2:1 hesablı qələbə qazanıb.