UEFA “Trabzonspor”u cərimələdi

UEFA Türkiyənin “Trabzonspor” klubunu azarkeşlərinin davranışlarına görə cərimələyib.

Futbolxeber.az saytının məlumatına görə, qərara əsasən, "Trabzonspor" 100 min avro cərimə ödəyəcək. Bundan əlavə, komandanın növbəti avrokubok səfər matçında azarkeşlərinə bilet satışı qadağan olunub.

Cəzaya UEFA Konfrans Liqasının ilk turunda Finlandiyada “KuPS”a qarşı keçirilən oyunda baş verən azarkeş insidentləri səbəb olub. “Trabzonspor” həmin görüşdə rəqibini 4:2 hesabı ilə məğlub etsə də, tərəfdarlarının davranışları kluba baha başa gəlib.

UEFA-nın qərarına əsasən, azarkeşlərin pirotexniki vasitələrdən istifadə etməsi və meydana yad əşyalar atması səbəbindən Türkiyə təmsilçisi 80 min avro cərimələnib.

Oyuna azarkeşin daxil olması səbəbindən “Trabzonspor”a əlavə 15 min avro cərimə tətbiq edilib. Stadionda baş verən ziyana görə isə klub daha 5 min avro ödəməli olacaq.

Bundan başqa, Finlandiyadakı “Tammela” stadionunda zədələnən 13 oturacağın və meydançaya dəyən ziyanın əvəzinin ödənilməsi üçün “Trabzonspor” rəhbərliyi “KuPS” klubu ilə əlaqə saxlamalıdır.