Azərbaycan futbolçunun komandası Rusiya kubokunun finalında

Rusiya kubokunun yarımfinal mərhələsinin oyunları keçirilib.

Futbolxeber.az saytının məlumatına görə, Azərbaycanın U-21 yığmasının sabiq futbolçusu Kamran Əliyevin çıxış etdiyi “Ximki” “Ural”la qarşılaşıb.

Rəqibini 3:1 hesabı ilə məğlub edən birinci divizion təmsilçisi “Ximki” kubokun ilk finalçısı olub.

Kamran matçın 90+2-ci dəqiqəsində meydana çıxıb.

Qeyd edək ki, həmyerlimizin komandası finalda “Zenit”lə qarşılaşacaq. Sankt-Peterburq klubu yarımfinalda “Spartak”ı mübarizədən kənarlaşdırıb (2:1).