İngiltərə Premyer Liqası bu gün bərpa olunur

Koronavirusa görə mart ayından dayandırılan İngiltərə Premyer Liqasının oyunları bu gün bərpa olunur.

Futbolxeber.az saytının məlumatına görə, 28-ci turdan təxirə salınmış iki oyun keçiriləcək.

Günün ilk matçında “Aston Villa” “Şeffild Yunayted”i qəbul edəcək. Görüş Bakı vaxtı ilə 21:00-da başlayacaq.

23:15-də isə “Mançester Siti” özmeydanında “Arsenal”ı sınağa çəkəcək.

Qeyd edək ki, Premyer Liqanın oyunları iyunun 19-dan 30-cu turun görüşləri ilə davam etdiriləcək.

Əlavə edək ki, turnir cədvəlinə 82 xalla “Liverpul” başçılıq edir. “Mançester Siti”  57 xalla 2-ci, “Lester” 53 xalla 3-cüdür.