“Mançester Siti” 16 yaşlı holland qapıçını transfer edir

"Mançester Siti” növbəti transferini reallaşdırmağa yaxındır.

Futbolxeber.az saytının “Telegraaf”a istinadən verdiyi məlumata görə, “şəhərlilər” Hollandiyanın “Utrext” klubunun gənc qapıçısı Mikki van Sası heyətinə qatmaq üzrədir.

16 yaşlı qolkiper əvvəlcə “Mançester Siti”nin gənclər komandasında çıxış edəcək. 2 il sonra isə onunla uzunmüddətli müqavilə imzalanacaq.

Qeyd edək ki, van Sas cari mövsüm “Utrext”in gənclər komandasında meydana çıxdığı 18 oyunda qapısında 16 qol görüb.