Neymar “Barselona”ya qayıtmaq istədiyini etiraf etdi

PSJ-nin hücumçusu Neymar sabiq klubu “Barselona”ya qayıtmaq istəyir.

Futbolxeber.az saytının “Mundo Deportivo”ya istinadən verdiyi məlumata görə, braziliyalı yaxın ünsiyyətdə olduğu hazırkı komanda yoldaşları ilə bu istəyini bölüşüb: “İstənilən halda “Barselona”ya geri dönmək istəyirəm”.

Xatırladaq ki, mayda Neymar PSJ rəhbərliyinin maaşının azaldılması təklifini rədd edib. İddia olunur ki, bu addımı ilə braziliyalı forvard Paris klubunun rəhbərliyinə təzyiq göstərməyə çalışır. Vergilər çıxıldıqdan sonra aylıq məvacibi 3 milyon avro təşkil edən Neymar düşünür ki, bununla “Barselona”ya keçidinə razılıq ala bilər.