“Barselona” üçün ən pis variant: 2021-ci ilin fevralına kimi azarkeşsiz oynamaq

“Barselona” rəhbərliyi koronavirus pandemiyasından sonra oyunlarını yenidən azarkeşlər qarşısında keçirməklə bağlı hesabat hazırlayıb.

Futbolxeber.az saytının “Mundo Deportivo”ya istinadən verdiyi məlumata görə, “Nou Kamp”a azarkeşlərin buraxılması ilə bağlı 2 variant hazırlanıb.

İlk variant 2021-ci ilin fevralına kimi azarkeşsiz oynamaqdır. Bu varianta əsasən, ehtimal olunur ki, bütün turnirlər vaxtından əvvəl yekunlaşdırılacaq. Transfer pəncərəsi 15 avqustun - 15 sentyabr tarixlərini əhatə edəcək. Sentyabrın 15-də isə La Liqada yeni mövsümə start veriləcək.

İkinci, optimist varianta əsasən, La Liqanın oyunları iyunun 15-də bərpa olunacaq və avqsutun ortalarında mövsümə yekun vurulacaq. Oyunlar azarkeşsiz keçiriləcək. Azarkeşlərin tribunaya qayıdışı isə noyabrda baş tutacaq.