“Bavariya” futbolçusunu məşqə “McLaren”də gəldiyi üçün cərimələdi

“Bavariya” Kinqsli Komanı komandadaxili qaydaları pozduğu üçün cərimələyib.

Futbolxeber.az saytının Almaniya mətbuatına istinadən verdiyi məlumata görə, Münxen klubu “Audi” avtomobil şirkəti ilə əməkdaşlıq edir. Koman isə komandasının məşqinə ona təqdim edilmiş “Audi”də yox, “McLaren”də gəlib.

23 yaşlı futbolçu cərimələnməsinə belə münasibət bildirib: “Məşqə mənə təqdim edilmiş maşında gəlmədiyim üçün klubumdan və “Audi”dən üzr istəyirəm. Maşınımın güzgüsü sındığından digər avtomobildən istifadə etmək məcburiyyətində qaldım. Amma istənilən halda səhv etmişəm”.