Sergey Lavrov: “Futbol üçün darıxıram”

Rusiyanın Xarici İşlər naziri Sergey Lavrov koronavirus pandemiyası səbəbindən yaranmış vəziyyətdəki çatışmazlıqlarından danışıb.

Futbolxeber.az saytının məlumatına görə, “R-Sport”a müsahibəsində dövlət rəsmisi futbol üçün darıxdığını bildirib:

“Mən stajlı azarkeşəm. Gizlətməyəcəyəm, bu asan olmayan vaxtlarda futbol üçün çox darıxıram. Təəssüf ki, indiki məqamda nə futbola baxmaq mümkündür, nə də meydana çıxmaq. Futbolda hər hansı bir inancım yoxdur. Baxmayaraq ki, bir dostum “Spartak”ın mən canlı izlədiyim oyunlardakı nəticələrinin daha da yaxşılaşmasını arzulayır”.  

“Sizə hansı mövqe daha yaxındı - müdafiə, yoxsa hücum” sualını Lavrov belə cavablandırıb: “Düşünürəm ki, əsas məsələ hər iki prosesdən zövq almaqdır. Hər zaman hədəfi açıq görmək və maksimum effektli şəkildə ona doğru hərəkət etmək lazımdır”.