Buffon “Yuventus”la müqaviləsini uzadır

Canluici Buffon “Yuventus”la yeni müqavilə imzalamağa razılıq verib.

Futbolxeber.az saytının “Tuttosport”a istinadən verdiyi məlumata görə, 42 yaşlı qolkiperin hazırkı sözləşməsi bu ilin 30 iyununda başa çatır. Bu səbəbdən də tərəflər müqavilənin daha 1 illiyə yenilənməsi barədə razılığa gəliblər.

Buffon Turin klubunun prezidenti Andrea Anyelli ilə danışığı zamanı hazırkı şərtlərdən razılığını ifadə edib. Bildirib ki, ən azı 43 yaşına kimi “Qoca Sinyora”nın şərəfini qoruyacaq.

Koronavirus pandemiyasına səbəbindən yaranmış fasilə bitdikdən sonra rəsmi müqavilə imzalanacaq.

Qeyd edək ki, cari mövsüm 11 oyunda meydana çıxan təcrübəli qolkiper 3 dəfə qapısını toxunulmaz saxlayıb.