“Liverpul”un müdafiəçisi Azərbaycanla oyundan danışdı

AVRO-2020-nin seçmə mərhələsində millimizin rəqibi olan Xorvatiya yığmasının üzvü Deyan Lovren qarşıdakı oyunlar barədə danışıb.

Futbolxeber.az saytının məlumatına görə, "Liverpul"un müdafiəçisi açıqlamasında iddialı fikirlər səsləndirib. O, finala çıxdıqları son dünya çempionatındakı kimi oynamaq lazım olduğunu bildirib:

"İndi dünya çempionatındakı komanda kimi olmalıyıq. Avropa çempionatında olmaq istəyiriksə, Slovakiya və Azərbaycanda Xorvatiyanın kim və necə komanda olduğunu göstərməliyik. Meydanda hansı futbolçunun oynayacağı mənə maraqlı deyil, ən yaxşı formada olan futbolçu meydana çıxacaq. Rusiyadakı dünya çempionatında olduğu kimi hamımız birgə nəfəs almalıyıq".

Qeyd edək ki, Xorvatiya millisi sentyabrın 6-da Slovakiya, 9-da isə yığmamızın qonağı olacaq.