Sabiq “Qarabağ”lı qol vurdu, “Qalatasaray” 90+8-də sevindi

Türkiyə Superliqasında 3-cü tura start verilib.

Futbolxeber.az saytının məlumatına görə, "Qalatasaray" səfərdə "Kayserispor"un qonağı olub. Görüşdə hesabı 37-ci dəqiqədə "Qarabağ"ın sabiq üzvü və bu ay "Kayserispor"a keçən Pedro Enrike açıb.

64-cü dəqiqədə “Kayserispor”dan Abdennour meydanda qovulub və 66-cı dəqiqədə Belhanda penaltidən “Cim-Bom”un cavab qolunu vurub.

74-cü dəqiqədə Pedro Enrike də meydandan qovulub və “Kaysersipor”un 9 nəfərlə qalmasından sonra 87-ci dəqiqədə Babel “Qalatasaray”ı hesabda önə keçirib. 2 dəqiqə sonra Emre Mor da “Qalatasaray”ı azlıqda qoyub.

9 nəfərlə qalmasına baxmayaraq, 90+1-ci dəqiqədə “Kayserispor”dan Umut Bulut status-kvonu bərpa edib - 2:2.

Hesabı bərabərləşdirən sabiq “Qalatasaray”lı 90+4-cü dəqiqədə meydanda qovulub və rəqib 8 nəfərlə qaldıqdan sonra Adem Büyükün 90+8-ci dəqiqədə vurduğu qol İstanbul klubuna 3:2 hesabı ilə qalib gəlib.

Mövsümdə ilk qələbəsini qazanan “Qalatasaray” xallarının sayını 4-ə çatdırıb v 7-ci pilləyə yüksəlib.