Koutinyonun yeni klubu müəyyənləşdi

Filippe Koutinyo “Barselona”dan ayrılıb.

Futbolxeber.az saytının xarici KİV-ə istinadən verdiyi məlumata görə, braziliyalı yarımmüdafiəçi karyerasını icarə əsasında “Bavariya”da davam etdirəcək. İcarə müddəti 1 illikdir.

Dünən tibbi müayinədən uğurla keçən Koutinyo yeni klubunda 10 nömrəli forma ilə çıxış edəcək. Razılığa əsasən, mövsümün sonunda “Bavariya” Koutinyonu birdəfəlik heyətinə qata bilər.

Qeyd edək ki, icarənin maliyyə tərəfi barədə açıqlama verilmir. Daha əvvəl “Bavariya”nın Koutinyo üçün icarə haqqı olaraq 20 milyon, transfer edəcəyi halda isə 120 milyo avro ödəyəcəyi deyilirdi

Əlavə edək ki, braziliyalı futbolçu Kataloniya klubunda 71 görüşdə forma geyib və 21 qol vurub.