“Arsenal” Bakıya qələbə ilə gəlir

"Qarabağ"ın Avropa Liqasının qrup mərhələsindəki rəqibi "Arsenal" İngiltərə Premyer Liqasında növbəti oyununu keçirib.

Futbolxeber.az saytının məlumatına görə, London klubu 7-ci turda öz meydanında "Uotford"u qəbul edib. Matç meydan sahiblərinin 2:0 hesablı qələbəsi ilə başa çatıb. "Arsenal"a qələbə gətirən qollar matçın son 9 dəqiqəsində vurulub. Əvvəlcə Katçart 81-ci dəqiqədə avtoqolla yadda qalıb. 83-cü dəqiqədə isə Məsut Özil fərqlənib.

Bu qələbə ilə xalını 15-ə yüksəldən Unay Emerinin komandası turnir cədvəlinin 5-ci pilləsində qərarlaşıb.

Qeyd edək ki, "Arsenal" oktyabrın 4-ü "Qarabağ"ın qonağı olacaq. Bakı Olimpiya Stadionunda keçiriləcək görüş yerli vaxtla saat 20:55-də başlayacaq.