“Real” meydana hesabı qorumaq üçün çıxmayacaq”

“Real”ın müdafiəçisi Rafael Varan “Yuventus”la oyun haqda fikirlərini açıqlayıb.

Futbolxeber.az saytının “Marca”ya istinadən verdiyi məlumata görə, fransız müdafiəçi qeyd edib ki, səfər matçındakı böyükhesablı qələbəyə baxmayaraq, “Kral klubu” cavab görüşünə də qalib gəlmək üçün çıxacaq:

“Bizi əla komandaya qarşı çətin oyun gözləyir. Futbolda hər şey mümkündür. Bilirik ki, “Yuventus” da qələbə üçün oynayacaq. Biz meydana hesabı qorumaq üçün çıxmayacaq. Bu dəfə də qələbəyə oynayacağıq.

Serxio Ramosun yoxluğunda çox yaxşı oynamalıyıq. Komandama necə kömək edəcəyimi bilirəm. Yarımfinala yüksələcəyimizə inanırıq. Çempionlar Liqasında böyük təcrübəyə malikik. Bu turniri ardıcıl üçüncü dəfə udmaq çətin olsa da, addım-addım hədəfə doğru irəliləyirik”.