Ronaldo: “İnanıram ki, məndən yaxşısı yoxdur”

“Real”ın hücumçusu Kriştianu Ronaldo özünü necə motivvasiya etməsindən danışıb.

Futbolxeber.az saytının “Sky Sports”a istinadən verdiyi məlumata görə, portuqaliyalı ulduz bildirib ki, 2017-ci il onun üçün ideal alınıb:

“Biz hər zaman inanmalıyıq ki, ən yaxşıyıq. Yüksəkdən düşünmək lazımdır. Həmişə inanıram ki, məndən yaxşısı yoxdur. Ən azından meydanda. Belə düşünməyim səbəbsiz deyil.  

Komanda şəklində və fərdi olaraq ötən il mənim üçün ideal alındı. 5 titul qazandım, “Qızıl top”a və FİFA tərəfindən ilin ən yaxşı oyunçusu adına sahib çıxdım”.