Nainqqolan: "Qarabağ"la oyunadək vəsiqəni təmin etməliyik"

"Roma"nın futbolçusu Raca Nainqqolan Çempionlar Liqasının qrup mərhələsinin 5-ci turunda "Atletiko" ilə oyun öncəsi açıqlama verib.

Futbolxeber.az saytının qol.az-a istinadən verdiyi məlumata görə, o deyib ki, Madrid klubu ilə matçda qalib gələrək vaxtından əvvəl qrupdan çıxmağı təmin etmək istəyirlər: "Atletiko" ilə görüş bizim üçün çox əhəmiyyətlidir. Bilirik ki, 1/8 finala yüksəlmək istəyiriksə, son turda "Qarabağ"ı məğlub etmək kifayətdir. Ancaq biz istəyimizi mümkün qədər tez həyata keçirmək və qrup mərhələsini ilk pillədə başa vurmağa çalışacağıq".

Qeyd edək ki, "Roma" hazırda ÇL-də C qrupunda 8 xalla birinci yerdə qərarlaşıb