Rüfət Dadaşovdan mövsümdə 10-cu qol

Milli komandamızın sabiq üzvü Rüfət Dadaşovun çıxış etdiyi “Dinamo” Almaniyanın Şimal-Şərq Regional Liqasında növbəti oyununu keçirib.

Futbolxeber.az saytının məlumatına görə, Berlin təmsilçisi 13-cü turda öz meydanında “Berliner”lə qarşılaşıb.

Görüş həmyerlimizin komandasının 1:2 hesablı məğlubiyyəti ilə nəticələnib. “Dinamo”nun yeganə qolunu Rüfət Dadaşov vurub. O, 44-cü dəqiqədə penaltidən fərqlənib. Bu, Dadaşovun cari mövsüm 10-cu qoldur.

“Dinamo” hazırda 25 xalla turnir cədvəlinin 2-ci pilləsində qərarlaşıb.

Qeyd edək ki, Rüfət Dadaşov Azərbaycan millisində almaniyalı sabiq baş məşqçi Berti Foqtsun vaxtında çıxış edib və 16 oyunda 4 qol vurub.