Kasilyas “Liverpul”un hədəfində

“Portu”nun qapıçısı İker Kasilyas karyerasını Dumanlı Albionda davam etdirə bilər.

Futbolxeber.az saytının məlumatına görə, ispan qolkiper yanvarda hazırkı klubundan ayrılacaq. Buna səbəb maliyyə “fair play”idir.

Hazırda “Portu”nun maliyyə durumu araşdırılır. Buna görə də klub rəhbərliyi illik əmək haqqısı 5 milyon avro olan Kasilyasla vidalaşmaqla vəziyyətini düzəltmək istəyir. 

“Liverpul” ispan qapıçını transfer etməyi planlaşdırır. Simon Minole və Loris Kariusun inamsız çıxışı “qırmızılar”ı qapı xəttini gücləndirməyə vadar edir. “Liverpul”la yanaşı,m “Nyukasl” da İkerin xidmətində maraqlıdır. 

Qeyd edək ki, bu mövsüm əla oyun sərgiləyən 36 yaşlı qapıçı Portuqaliya çempionatında meydana çıxdığı 8 oyundan 6-da qapısını toxunulmaz saxlayıb.