UEFA prezidenti: “Transfer pəncərəsi”nin müddəti qısaldılmalıdı”

“Avropada yay “transfer pəncərəsi”nin müddətinin qısaldılması ilə bağlı ciddi müzakirələrin getdiyindən xəbərim var”.

 

Futbolxeber.az saytının məlumatına görə, bu sözləri UEFA-nın prezidenti Aleksander Çeferin deyib.

 

Sloveniyalı futbol funksioneri İngiltərə Premyer Liqası klublarının “transfer pəncərəsi”nin vaxtının azaldılması ilə bağlı təşəbbüsünə münasibət bildirib. O bildirib ki, sentyabrın 7-də bir araya gəlib, bununla bağlı qərar verəcək britaniyalıları dəstəkləyir: “Futbolçunun mövsümə bir komandada başlaması, sonradan “transfer pəncərəsi”nin başa çatmamış digər komandada oynamasının pis olduğunu düşünürəm. “Pəncərə” belə uzun olmamalıdı. Mən onun müddətinin qısaldılmasının tərəfdarıyam”.

 

Qeyd edək ki, sabah keçiriləcək iclasda 20 Premyer Liqa klubundan 14-nün razılığı olsa, İngiltərədə transfer dövrü dəyişdiriləcək. Hazırda əksər Avropa ölkələrində bu müddət sentyabrın 1-də başa çatır.