Bu gün ÇL-in qrupuna çıxan 5 komanda müəyyənləşəcək

Bu gün Çempionlar Liqasında (ÇL) pley-off mərhələsinin cavab oyunlarına start veriləcək.

Futbolxeber.az saytının məlumatına görə, keçiriləcək oyunlarla qrup mərhələsinə yüksələn 5 komanda bəlli olacaq.

İlk matçlardan sonra "Seltik" qrupa düşmək vəzifəni demək olar yerinə yetirib, "Sevilya" ilə "Napoli" buna çox yaxındı. Digər 2 cütdə idə maraqlı, gərgin mübarizə gözlənilir.

Xatırladaq ki, turnirdə ölkəmizi təmsil edən “Qarabağ” 1:0 hesabı ilə qalib gəldiyi “Kopenhagen”lə sabah səfərdə qarşılaşacaq. Cavab matçlarının qalan 5-i məhz həmin gün olacaq.

22 avqust

Çempionlar Liqası

Pley-off mərhələsi, cavab görüşləri

19:30. "Astana" (Qazaxıstan) - "Seltik" (Şotlandiya)

İlk oyun - 0:5

22:45. "Maribor" (Sloveniya) - "Hapoel" (Beer-Şeva, İsrail)

İlk oyun - 1:2

22:45. "Riyeka" (Xorvatiya) - "Olimpiakos" (Yunanıstan)

İlk oyun - 1:2

22:45. "Nitsa" (Fransa) - "Napoli" (İtaliya)

İlk oyun - 0:2

22:45. "Sevilya" (İspaniya) - "Başakşehir" (Türkiyə)

İlk oyun - 2:1