"Şerif"in kapitanı: "Qarabağ"a məğlubiyyətdən sonra üzərimizdə psixoloji təzyiq var"

"Fikrimcə, "Legiya" "Qarabağ"dan güclüdü. Polşa klubu artıq Çempionlar Liqasında oynayıb, ötən il orada yaxşı nəticələr göstərib. Azərbaycan klubu isə hələ orada şıxış etməyib".

Futbolxeber.az saytının m əlumatına görə, bu fikirləri "Qarabağ"ın Çempionlar Liqasının (ÇL) III təsnifat mərhələsində mübarizədən kənarlaşdırdığı Moldovanın "Şerif" klubunun kapitanı Mateo Suşiç bildirib.

Bosniyalı müdafiəçi təmsilçimizə uduzaraq ÇL-dən kənarda qalandan sonra psixoloji təzyiq altında olduqlarını söyləyib: "Avropa Liqasının qrup mərhələsinə düşmək istəyirik. "Şerif" artıq 3 ildir orada çıxış etmir. Bütün futbolçular və məşqçilər korpusu bunun üçün işləyərək bütün gücünü orata qoyurlar. Təzyiq isə Çempionlar Liqasının III təsnifat mərhələsində "Qarabağ"a məğlubiyyətədn qaynaqlanır. Fikrimcə, biz bu klubu adlamalı idik".

Xatırladaq ki, "Şerif" Avropa Liqasının pley-off mərhələsinin ilk oyununda Varşavada "Legiya" ilə 1:1 hesablı bərabərliyə qalıb.