İspaniya Futbol Federasiyanda kütləvi həbslər

İspaniya Futbol Federasiyasnının prezidenti Anxel Mariya Vilyar və onun oğlu bu gün həbs olunub.

Futbolxeber.az saytının məlumatına görə, 67 yaşlı funksioner anti-korrupsiya əməliyyatı nəticəsində saxlanılıb.

Həbs olunanlar arasında federasiyanın digər əməkdaşları, o cümlədən də iqtisadi məsələləri üzrə vitse-prezident Xuan Padron da var. Federasiya rəsmiləri korrupsiyada, sənədlərin saxtalaşdırılmasında ittiham olunurlar.

Xatırladaq ki, İspaniya Futbol Federasiyasının prezidenti Anxel Mariya Vilyarın adı 2015-ci ildə FİFA və UEFA-dakı rüşvət qalmaqalında da hallanıb. Həmin vaxt o, ali futbol qurumunda vitse-prezident vəzifəsini tuturdu.

Daha sonra UEFA prezidentliyinə namizəd olan Vilyar yekunda qurumun hazırkı rəhbəri Aleksandr Çeferinin lehinə namizədliyini geri götürdü.

Qeyd edək ki, o, 1988-ci ildə İspaniya Futbol Federasiyasına rəhbərlik edir. Mayda Vilyar 8-ci dəfə bu posta seçilib.