“Aleksandriya”nın baş məşqçisi: “Paşayevin hansı formada olduğunu bilmirəm”

Ukrayna Premyer Liqası təmsilçisi “Aleksandriya” klubunun baş məşqçisi Vladimir Şaran millimizin müdafiəçisi Pavel Paşayevi transfer etmələrinə münasibət bildirib.

“Futbol-1” kanalına açıqlamasında o qeyd edib ki, Paşayevi çoxdan komandasında görmək istəyib.

“Sağ cinah müdafiəçi mövqeyinə uzun müddət idi oyunçu axtarırdıq. Bu, komandamızda ən problemli mövqe idi. Orada çıxış edən Çebotayevə ciddi iradlarımız vardı.

Biz görüşdük, söhbət etdik və belə qərara gəldik ki, bu futbolçu (Paşayev nəzərdə tutulur - red.) həqiqətən bizə lazımdır. Bundan sonra klub rəhbərliyi müqavilə bağlanmasına razılıq verdi. Müqavilənin müddəti bir ildir. Amma sonra artırılması da mümkündür. İndi Paşayevin hansı formada olduğunu bilmirəm. Çünki son vaxtlar o, fərdi qaydada topla məşq edib. Ona görə də futbolçunun hazırlığına məşq zamanı qiymət verəcəyik” (qol.az).