Avropanın ən etibarlı qapıçısının bəlli oldu

Avropanın aparıcı TOP-5 ölkələrinin çempionatlarında ən etibarlı qapıçı “Vilyareal”lı Serxio Asenxodur.

Futbolxeber.az saytının məlumatına görə, bu, Opta portalının apardığı araşdırma zamanı məlum olub.

Belə ki, “Vilyareal”ın qolkiperi son mövsümdə qapısına endirilən zərbələrdən 81 faizini dəf edib.

Siyahıda ikinci yeri Manuel Noyer tutub. “Bavariya”nın qapıçısı 51 zərbənin 79 faizini dəf etməyə müvəffəq olub.

Sıralamada üçüncü yerə Ter-Ştegen sahib çıxıb. “Barselona”nın “1 nömrə”sinin qoruduğu qapıya doğru 122 zərbə endirilib və o, bu topların 78 faizinin qol olmasına imkan verməyib.

Qeyd edək ki, qapısına ən çox zərbə endirilən qapıçısı isə Canluici Donnarummadır. “Milan”ın qapısına 146 zərbə endirilib və o, topların 76 faizini dəf etməyi bacarıb.