Zidan: “Finalda “Yuventus”la qarşılaşmaq...”

“Real”ın baş məşqçisi Zinəddin Zidam Çempionlar Liqasının finalında “Yuventus”a qarşı keçiriləcək matçdan danışıb.

Futbolxeber.az saytının məlumatına görə, fransız mütəxəssis hər iki finalçının kuboku qazanmağa layiq olduğunu qeyd edib:

“Komandamda güclü futbolçular cəmləşib. Məhz onların sayəsində Çempionlar Liqasında finala qədər irəlilədik. Yenidən həlledici qarşılaşmaya yüksəlmək sevindiricidir.

Mən böyük futbolçu kimi “Yuventus”da formalaşmışam. Bu, böyük klubdur. Finalda “Yuventus”la qarşılaşmaq mənim üçün xüsusi məqamdır. “Qoca Sinyora”nın qəlbimdə hələ də xüsusi yeri var.

Bizi möhtəşəm final gözləyir. Həm “Real”, həm də “Yuventus” kuboku qazanmağa layiqdir”.