Rusiyada “Spartak”, Ukraynada “Şaxtyor”…

Futbol üzrə Rusiya və Ukrayna çempionatında yeni çempionlar müəyyənləşib. Futbolxeber.az-ın məlumatına görə, bunlar “Spartak” (Moskva) və “Şaxtyor” (Donetsk) klubudur.

 

Moskva təmsilçisinin əsas izləyicilərindən olan “Zenit” ötən gün öz meydanında “Terek”ə uduzub (0:1) və üçüncü pillədə qalıb. Beləliklə, çempionatın bitməsinə 3 tur qalmış 63 xalı olan lider “Spartak”la ikinci yerdəki ÇSKA (53 xal) arasında 10, “Zenit” (52 xal) arasında isə 11 xallıq fərq yaranıb. Bu da “Spartak”ın 10-cu Rusiya çempionluğu olub. Komanda sonuncu dəfə 2001-ci ildə yarışı birinci yerdə başa vurmuşdu.

 

Ukraynada isə Donetsk təmsilçisi 28 turdan sonra 75 xalla birinci pillədə qərarlaşıb. Bu komandanın əsas izləyicisi "Dinamo"nun isə sona 4 tur qalmış 61 xalı var. Qalan turlarda Kiyev təmsilçisi əzəli rəqibinə çata bilməyəcəyindən "Şaxtyor"un erkən çempionluğa sevinib. "Spartak" kimi, "Şaxtyor" da tarixində 10-cu çempionluğunu rəsmiləşdirib. Donetsklilər bu baxımdan yalnız Kiyev "Dinamo"sundan geri qalırlar - 15 çempionluq. "Şaxtyor" sonuncu dəfə 2014-cü ildə Ukrayna çempionu olmuşdu.