Mario Qomes millidən gedir

Tezliklə “Volfsburq”un hücumçusu Mario Qomes Almaniya millisindəki çıxışını başa vuracaq.

Futbolxeber.az saytının məlumatına görə, bu haqda təcrübəli forvard özü açıqlama verib:

“Gələn il Rusiyada keçiriləcək dünya çempionatı mənim üçün millidəki son turnir olacaq. Mundialdan sonra yığmadakı karyeramı başa vuracağam. Realist olmaq lazımdır. DÇ-2018 zamanı 33 yaşım olacaq. Hər hücumçu Kloze kimi 35 yaşında məhsuldar çıxış edə bilmir.

Rəqabətdən heç vaxt qorxmamışam. Əksinə, bu, çox vacibdir. 10 ərzində dünyanın ən yaxşı hücumçularından olan Kloze ilə rəqabət aparmışam. Məhz onun sayəsində xeyli inkişaf etmişəm”.

Qeyd edək ki, 31 yaşlı forvard Almaniya millisində 2007-ci ildə debüt edib. O, Bundestimin heyətində meydana çıxdığı 69 oyunda 29 qol vurub.