Türkiyə Futbol Federasiyası milli futbolçumuzu cəzalandırdı

Türkiyə Futbol Federasiyasının İntizam Komitəsinin növbəti iclası keçirilib. Futbolxeber.az-ın məlumatına görə, toplantıda “Bursaspor”da çıxış edən Azərbaycan millisinin üzvü Dəniz Yılmazın da cəzası bəlli olub.

 

“Kayserispor”la səfər oyununda rəqib futbolçuya qəsdən xəsarət yetirdiyi üçün birbaşa qırmızı vərəqə alaraq meydandan qovulan hücumçumuz iki oyunluq diskvalifikasiya edilib.

 

Qeyd edək ki, “Bursaspor”un Super Liqanın 21-ci turunda səfərdə “Kayserispor”a 0:2 hesabı ilə uduzduğu matçın 19-cu dəqiqəsində rəqibə qarşı kobud oynayan Yılmaz birbaşa qırmızı vərəqə ilə meydandan qovulmuşdu. Klubu dab bu hərəkətinə görə onu müddətsiz olaraq, əsas heyətdən kənarlaşdırmışdı. Lakin dünən baş məşqçi və klub rəhbərliyinin ortaq qərarı ilə forvardımız bağışlanıb və komandaya qoşulub.