Lippi: “Hazırkı “Milan”ı çox bəyənirəm”

İtaliya millisinin sabiq baş məşqçisi Marçello Lippi “Milan” haqda danışıb.

Futbolxeber.az saytının məlumatına görə, təcrübəli mütəxəssis “qırmızı-qaralar”ın İtaliya Superkubokunu qazanmasından, komandanın əsasını təşkil edən gənc və perspektivli futbolçulardan söz açıb:

“Çoxları düşünürdü ki, Superkuboku “Yuventus” qazanacaq. Lakin “Milan” bütün gücünü meydanda qoydu. Hazırkı heyəti çox bəyənirəm. “Milan”ın heyətindəki gənclər böyük gələcək vəd edirlər.

Montella işinin öhdəsindən tam gəlir. O, komandaya lazımi taktiki tapşırıqları verir. Montellanın sərəncamında daha bir neçə futbolçu olsa, “Milan” yenidən böyük uğurlar qazana bilər”.