Ronaldo, klubu və prezidenti mükafatlandırldı

Portuqaliya millisinin və “Real” (İspaniya) klubunun ulduz futbolçusu Kriştianu Ronaldo daha bir mükafata layiq görülüb.

 

Futbolxeber.az-ın məlumatına görə, Avropa Klublar Assosasiyası (ECA) və Avropa Futbol Agentləri Assosasiyası (EFAA) sona çatan il üçün "Globe Soccer Awards"ın laureatlarını müəyyənlışdiriblər. Onlar Ronaldou dünyanın ən yaxşı futbolçusu seçiblər. 

 

31 yaşlı hücumçunun çıxış etdiyi “Real” ən yaxşı klub, ən yaxşı prezident isə Madrid təmsilçisinin rəhbəri Florentino Peres seçilib. Ən yaxşı məşqçi adına Portuqaliya millisinin çalışdırıcısı Fernando Santoş layiq görülüb. Mark Kltaenburqa ilin hakimi adı verilib. Samuel Eto isə karyerasındakı uğurlarına görə mükafata sahib olub. "Roma"nın yarımmüdafiəçisi Məhəmməd Salah 2016-cı ilin ən güclü ərəb futbolçusu seçilib. 

 

Qeyd edək ki, bir neçə gün əvvəl 4-cü dəfə “Qızıl top” mükafatını qazanan Ronaldo dünən də Avropada ilin idmançısı seçilib.