Hücumçumuzun klubunda problem: komanda başsız qala bilər

Millimizin hücumçusu Dəniz Yılmazın çıxış etdiyi “Bursaspor”un baş məşqçisi Hamza Hamzaoğlu bu gün komandadan ayrıla bilər.

Futbolxeber.az-ın məlumatına görə, mütəxəssisin bu qərarına səbəb uğursuz çıxışlar yox, maliyyə problemləridir.. Bu barədə məlumatı Hamzaoğlu Superliqanın XVI turunda “Gənclərbirliyi”nə məğlubiyyətdən sonra (3:1) keçirdiyi mətbuat konfransında deyib. O bildirib ki, cari ilə ərzində maaş almayıb və bu səbəbdən istefa vermək haqda düşünür. Futbolçuların maaşlarını alıb-almadıqları isə bəlli deyil.

Qeyd edək ki, Hamzaoğlunun komandada qalıb-qalmayacağı bu gün klub rəhbərliyi ilə baş tutacaq görüşdən sonra bəlli olacaq.