Messi fantastik təklif aldı: ilinə 100 milyon avro

Çinin “Xebey Çayna Forçun” klubu “Barselona”nın hücumçusu Lionel Messini transfer etmək istəyir.

Futbolxeber.az saytının məlumatına görə, klub rəhbərliyi argentinalı ulduza fantastik təklif irəli sürüb. Belə ki, “Xebey Çayna Forçun” Messiyə vergiləri çıxdıqdan sonra ildə 100 milyon avro əmək haqqı ödəməyə hazırdı.

Halbuki “Barselona” yeni müqaviləyə əsasən argentinalıya ildə 35 milyon avro ödəmək fikrindədir.

Qeyd edək ki, “Xebey Çayna Forçun”un əsası 2010-cu ildə qoyulub. Komandanı hazırda Manuel Pelleqrini çalışdırır. Onun rəhbərliyi altında Esekiel Lavezzi, Jervinyo, Stefan Mbia kimi ulduzlar çıxış edir.