28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Xarici futbol

"Neftçi"ni ziyana salan Mpenzaya qarşı viaqra iddiası

"Neftçi" klubunun keçmiş futbolçusu Emil Mpenza vaxtilə rəhbərliyi altında çıxış etdiyi məşqçi Pol Sterroku məhkəməyə verəcək. Futbolxeber.az saytının "Report"a istinadən verdiyi məlumata görə, buna 60 yaşlı mütəxəssisin öz bioqrafiyasında sabiq hücumçu barədə yazdıqları səbəb olub.

Sterrok bildirib ki, 2008-2009 mövsümündə İngiltərənin "Plimut Arqayl" klubunda baş məşqçi kimi çalışdığı vaxt belçikalı forvard müxtəlif bəhanələrlə məşqlərdən yayınmağa çalışıb. Bunlardan biri isə daha orijinal olub. "Emil mənə dedi ki, ötən gecə Viagra qəbul edib. Buna görə özünü hələ də yaxşı hiss etmir. Nəticədə o, məşqə qatılmadı. Bu həqiqət şəhərdə lətifəyə çevrilmişdi. Amma and olsun, həqiqətdir" deyə məşqçi kitabında vurğulayıb.

Öz növbəsində Mpenzanın vəkili Loran Denis şotlandiyalı mütəxəssisi qətiyyətlə təkzib edərək, keçmiş futbolçunun yazılanlardan şoka düşdüyünü bildirib: "Bu uydurma olayın KİV-də geniş işıqlandırılması Emil barədə pis reputasiya yaratmağa və onu təcrid etməyə yönəlib. Çünki viaqra həm də istifadəsi qadağan olunan dopinq sayılır".

Qeyd edək ki, Emil Mpenza "Plimut Arqayl"da 9 oyuna 2 qol vurub. Növbəti mövsümü o, İsveçrənin "Syon" klubundan keçirdikdən sonra "Neftçi"yə keçib. Azərbaycan klubunda 2010-cu ilin avqustundan forma geyməyə başlayan Mpenza 2012-ci ilin yanvarında "ağ-qaralar"ı tərk edib. Həmin vaxt "Neftçi" rəhbərliyi onun komandanın düşərgəsini özbaşına tərk etməsini əsas gətirərək, müqaviləsinə birtərəfli qaydada xitam verib və FİFA qarşısında müvafiq iddia qaldırıb. Mpenza isə FİFA qarşısında əks iddia qaldıraraq “Neftçi”dən təzminat tələb edib. 3 illik araşdırmaların nəticəsi olaraq, 2015-ci il yanvarın 21-də FİFA futbolçunun xeyrinə qərar çıxarıb. Belçikalı hücumçuya ödəniş gecikmə faizləri və məhkəmə borcları ilə birgə 1,1 milyon dollar təşkil edib. Tərəflər arasında bu məbləğin 5 hissəyə bölünərək, ilin sonunadək müvafiq hesaba köçürməsinə dair razılıq əldə olunub.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31