Ançelotti: “Bavariya” ÇL-i qazanacaq gücdədir”

“Bavariya”nın baş məşqçisi Karlo Ançelotti komandasının Çempionlar Liqasında “Rostov” üzərində qazandığı 5:0 hesablı qələbəsini şərh edib.

Futbolxeber.az saytının məlumatına görə, italiyalı mütəxəssis Rusiya klubu ilə görüşdə dubl edən Coşua Kimmixin çıxışından da söz açıb:

“Bavariya” ÇL-i qazanacaq gücdədir. Bu mövsüm istənilən komanda ilə rəqabət apara bilərik. Mövsümə yaxşı başladıq. İlk hədəfimiz qrup qalibi olmaqdır. 

Kimmix hazırda çox yaxşı oyun sərgiləyir. O, əla formadadır, oyunlara da çox yaxşı köklənir. Kimmix istənilən mövqedə çıxış edə bilər. 

Hazırda sərəncamımda çox gözəl komanda var. Ona görə də start heyətini müəyyənləşdirmək heç də asan deyil”.