“Yuventus”dan növbəti transfer

“Zenit”in yarımmüdafiəçisi Aksel Vitsel karyerasını “Yuventus”da davam etdirəcək. Futbolxeber.az saytının məlumatına görə, Belçika yığmasının düşərgəsini tərk edən futbolçu Turinə yollanıb. Bu gün tibbi müayinədən keçdikdən sonra Vitsel “Yuventus”la rəsmi müqavilə imzalayacaq. 27 yaşlı futbolçunun keçidi “Qoca Sinyora”ya 18 milyon avroya başa gələcək.

Xatırladaq ki, “Zenit” Vitseli 2012-ci ildən 40 milyon avroya transfer etmişdi.