“Mançester Siti” rəsmilərinin yer aldığı təyyarədə həyəcanlı anlar

Buxarestə yollanmalı olan, “Mançester Siti” rəsmilərinin yer aldığı təyyarədə həyəcanlı anlar yaşanıb. Futbolxeber.az saytının “The Guardian”a istinadən yaydığı xəbərə görə, təyyarədə pilot kabinəsi tüstülənib. Həmin an təyyarənin göyərtəsində “Mançester Siti”nin səfiri Maykl Sammerbi, klubun sponsorları və jurnalistlər olub.

Sərnişinlərin əksəriyyəti yerini tutduqdan sonra təyyarədə yanğın əlehinə siqnalizasiya işə düşüb. Dərhal hadisə yerinə xilasedicilər gəlib. Evakuasiya zamanı sərnişinlərdən biri “Dərhal təyyarədən qaçın, əşyalaranızı unudun” deyə, qışqırıb. Xoşbəxtlikdən xoşagəlməz hadisə zamanı xəsarət alan olmayıb.