Pirlo: “Mən heç Poqbanın “Mançester Yunayted”ə keçidini şərh etməmişəm”

İtaliya millisinin sabiq üzvü Andrea Pirlo “Daily Mail” qəzetini ittiham edib. Futbolxeber.az saytının məlumatına görə, ulduz futbolçu sosial şəbəkədə bunları yazıb:

“Bir məsələyə aydınlıq gətirmək istərdim. Mən heç vaxt “Daily Mail”ə Poqbanın “Mançester Yunayted”ə keçidi ilə bağlı danışmamışam. Bu keçidi şərh etməmişəm”.

Xatırladaq ki, son 2 gündə Pirlonun açıqlaması dünya mətbuatında geniş yayılıb. Həmin açıqlamada Pirlonun adından bu sözlər yer alıb:

“Mən Poqbanın “Yuventus”dakı ilk məşqini xatırlayıram. Çox gənc olsa da, biz onun xüsusi istedada malik olduğunu gördük. Məşqdən sonra paltardəyişmə otağına yollanarkən Buffonun mənə, “Həqiqətənmi “Mançester Yunayted” bu futbolçunu havayı buraxıb” sualını vermişdi”.