“Viktoriya Plzen” Bakıya qələbə ilə gəlir

Çempionlar Liqasının III təsnifat mərhələsində “Qarabağ”ın rəqibi olan “Viktoriya Plzen” bu gün ölkə çempionatında ilk oyununu keçirib. Futbolxeber.az saytının məlumatına görə, Plzen klubu ilk tur çərçivəsində səfərdə “Jihlava”nın qonağı olub. İlk hissədə hesabda geri düşən “Viktoriya Plzen” ikinci yarıda əzmkar qələbə qazanmağa müvəffəq olub. “Qarabağ”ın rəqibinin heyətində 50-ci dəqiqədə Kuçera, 14 dəqiqə sonra isə Kopiç fərqlənib.