Lam: “Ançelotti “Bavariya” üçün ideal məşqçidir”

Filipp Lam “Bavariya”nın yeni baş məşqçisi Karlo Ançelotti haqda danışıb. Futbolxeber.az saytının məlumatına görə, təcrübəli müdafiəçi italiyalı mütəxəssisi Münhen klubu üçün ideal məşqçi adlandırıb: “2 həftəlik birgə çalışmadan sonra deyə bilərəm ki, Ançelotti “Bavariya” üçün ideal məşqçidir. Hazırda komandaya məhz onun kimi mütəxəssis lazım idi. Ançelotti dünyanın bir çox ölkələrində çalışıb, işlədiyi əksər komandalarda uğur qazanıb. O, futbolçularla ümumi dil tapmağı bacarır. Bilirəm ki, Ançelotti “Bavariya”da olmaqdan məmundur. Onun rəhbərliyi altında futbolçular özlərini əla hiss edirlər”.