Van Qal: “Mən kloun deyiləm”

“Mançester Yunayted”in baş məşqçisi Lui van Qal Premyer Liqanın 27-ci turunda “Arsenal”ı 3:2 hesabı ilə məğlub etdikləri oyunda etdiyi və sonradan geniş müzakirə mövzusuna çevrilən hərəkətindən danışıb. Futbolxeber.az-ın məlumatına görə, holland mütəxəssis bunları deyib: “Mən kloun deyiləm. Adım Lui van Qaldı. Mən insan və məşqçiyəm. Bu cür anlar futbol fəlsəfəmin bir hissəsi deyil. Düşünmürəm ki, belə hadisə komandanın oyununa təsir göstərə bilər. Meydanda məşqçi yox, futbolçular düşünməlidi”.

Xatırladaq ki, van Qal dördüncü hakimə rəqib futbolçunun simulyasiya etdiyini əyani şəkildə göstərmək üçün özünü yerə atmışdı.